રાજકોટ જિલ્લાના ગોંડલ તાલુકાના એક ખુણામાં આવેલ ખોબા જેવડુ ગામ એટલે સાજડીયાળી. લગભગ 850 જેટલી વસ્તી ધરાવતા આ ગામમાં પ્રાથમિક શાળા અને માધ્યમિક શાળા હોવી એ સદ્ભાગ્ય છે. આ શાળાઓમાં ફક્ત ગામના જ નહીં પરંતું આજુબાજુના ગામના બાળકો પણ અભ્યાસ કરી રહ્યા છે. શ્રી સાજડીયાળી પ્રાથમિક શાળા સ્માર્ટ ક્લાસ, કોમ્પ્યુટરલેબ, લાઈબ્રેરી, પ્રયોગશાળા, હવાઉજાસ વાળા વર્ગખંડો અને અન્ય ભૌતિક સુવિધાઓથી સજ્જ છે. આ ઉપરાંત શાળામાં કામ કરતા તમામ કર્તવ્ય નિષ્ઠ શિક્ષકો યુવાન અને ઉત્સાહી છે. જેઓ બાળકોને શિક્ષણની સાથે જીવન ઉપયોગી ઘડતર પણ કરે છે. શાળામાં લગભગ 154 જેટલા બાળકો અભ્યાસની સાથે સહ-અભ્યાસિક પ્રવૃતિઓ પણ કરે છે.
          સાજડીયાળી ગામની સરકારી પ્રાથમિક શાળામાં લગભગ ગામના મોટાભાગના બાળકો અભ્યાસ કરી રહ્યા છે. વર્ષ દરમિયાન શાળામાં ઘણીબધી પ્રવૃતિઓ અને તહેવારોની ઉજવણીઓ કરાવવામાં આવે છે જેમાં ક્વીઝ કોંમ્પીટીશન, વકૃત્વસ્પર્ધા, બાળવાર્તા સ્પર્ધા, વિજ્ઞાનમેળો, કલાઉત્સવ, ટ્વીનિંગ કાર્યક્રમ, ખેલ મહાકુંભ, જન્માષ્ટમી, નવરાત્રી, પતંગોત્સવ, ધુળેટી વગેરે.

Most Visit and follow on,

Youtube Channel